· 2 س · 11-2-2023
كان ده السؤال:
ما الفرق بين رسوم إصدار الأسهم وعلاوة إصدار الأسهم؟
وده الجواب:
الموضوع متعلق بشركات الاموال فقط.
- رسوم الاصدار
هو مبلغ يتم اضافته لقيمة كل سهم
ليتم تحصيله من المكتتبين في الاسهم
لتعويض مؤسسي الشركة
عما تحملوه من مصروفات متنوعة عند تأسيس الشركة
مثل المصروفات القضائية ومصروفات شهر الشركة وثمن طباعة الأسهم وغيرها.
- اما علاوة الاصدار
فهو مبلغ يتم تحصيله من المكتتبين الجدد
(وخلي بالك من الجدد دي)
بالإضافة
للقيمة الاسمية للسهم
لتعويض المساهمين القدامى
عن مشاركة المساهمين الجدد لهم في ينود ليست من حق الجدد اصلا…
يعني ايه الكلام ده عاوزين تبسيط له..
اقولك بمثال..
لو أنت صاحب منشأة شغال من 5 سنوات
وكنت بتحقق ارباح كل سنة
بتحتفظ بيها بمسمى ارباح محتجزة او احتياطيات او أرباح العام الحالي
وحبيت تدخل شريك معاك حالا
وتقسم معاه الأرباح المستقبلية بالتساوي
فمينفعش انه يدفع رأسمال مساوي لرأس المال بتاعك
الذي انت دفعته زمان فقط
ويبقى شريك بالنص ليه؟
عشان انت عندك أرباح محتجزة واحتياطيات وأرباح العام بخلاف راسمالك
وهي بنود ليس له حق فيها ل
انها ناتج جهدك عن سنوات سابقة..
يبقي لازم يدفع نصيبه فيها بخلاف رأس المال
او(حل تاني)
يسحبها المالك القديم قبل انضمام الشريك الجديد…
وبما اننا بنتكلم عن شركات اموال
فالحل التاني مش هينفع ..
يبقى الحل الاولاني هو المناسب
يعني المكتتب الجديد
يدفع نصيبه في الأرباح المحتجزة والاحتياطيات وارباح العام
بالإضافة للقيمة الاسمية للسهم
عشان يعوض الملاك القدامى(المساهمين القدامى) عن مشاركتهم ليهم في البنود المذكورة..
هذا التعويض اسمه علاوة إصدار الأسهم…
معنى ذلك
ان الشركة لو جديدة خالص مش هيبقي فيه علاوة اصدار؟
طبعا لانك مش هتلاقي فيها البنود المذكورة..
معني كده
ان المكتتبين الجدد في حالة انضمامهم
بيدفعوا القيمة الدفترية للسهم وليست القيمة الاسمية؟
اكيد لان القيمة الدفترية للسهم
عبارة عن حقوق الملكية مقسومة علي عدد الأسهم..
وحقوق الملكية يعني
رأس المال(القيمة الاسمية للاسهم)+الأرباح المحتجزة+الاحتياطيات+أرباح العام..
وهو نفس ما أشرنا اليه في الشرح السابق…
معنى ذلك
ان اكتتاب المساهمين الجدد
لا علاقة لاكتتابهم
بسعر السهم في السوق(البورصة)
عند تحديد قيمة العلاوة؟
نعم
التركيز فقط علي القيمة الدفترية والاسمية للسهم ولا يلتفت لقيمته السوقية.
ولو عاوز تفهم المحاسبة المالية او التكاليف فهم صحيح ومبسط جدا
تابع قناتنا عاليوتيوب واسمها محمد الأجاوي
وتابع صفحتنا عالفيس واسمها محاسبين ومحاسبة..
مع خالص تحياتنا.
ليست هناك تعليقات:
إرسال تعليق