من علامات الشقاء ...حواشة آخر بيت وزوجة مكاجرة وحمار مكادي

في الألغاز الشّعبيَّة (تَرَن تَرَن في القِيف حَرَن) وذلك هو المركوب (حذاء)

حَرَن امتنع عن السير.

حَرَن الحمار توقف عن المشي بدون وجود سبب واضح لذلك.

حرن فلان أصبح (رأسه قوي) عنيداً يمتنع عن عمل أى شئ.

(القيد حرن) نوع من الرقص السوداني.

غنى صلاح بن البادية في وصف رقصة العروس (سوّت ليه القيد حرن)

وهذه في يوم (قطع الرحط) عندما (تحَرِن) العروس

أى عندما تسير العروس بدلال أثناء الرقصة ببطء بأطراف أصابع رجليها وسط الأهازيج والزغاريد.

غنَّى صلاح (سوّت ليه القيد حرن... خلّت الأبكم رطن) أى ابدعت إبداعاً كبيراً في الرقص، والتدلّل.

لكن المشكلة (الجد) عندما تصبح العروس بعدين( زوجة حرون).

في شرق الجزيرة توجد عائلة (حرَّان).

ومن باب الثناء يسمِّي السودانيون اسم (حرَّان).

وفي أحياء مدينة كسلا هناك حيّ الشهيد (حرَّان).

في اللغة الفصحى حرنت الدَّابة إذا وقفت في مكانها لا تبرحه، دابّة حر.

قال الشّماخ
وما أروَي وإن كَرُمَت علينا٭بأدنى من موقَّفةٍ حَرُونِ

قال المفضل بن المهلب بن أبي صفرة
وما خيرُ عيشٍ بعدَ قتل محمدٍ٭وبعد يزيد والحرونَ حَبيب

وممن أوتي صوتاً من مزامير آل داؤود ومن أجمل الأصوات السودانية في تلاوة القرآن الكريم
الراحل القارئ الشيخ محمد حسن حرَّان(ود القُراعة)، وتتوفر تسجيلات نادرة بصوته في تلاوة القرآن في مسيد ود الفادني.

مزارع الحواشات ( الطواويل):
الحواشات 

هي المناطق المحصورة بين البحر والبحيرات الساحلية وهو ما يطلق عليه (حواشات ساحلية)،

وأحيانا تكون داخل البحيرات ذاتها، وهنا يطلق عليها (حواشات بحيرية)،

وتملأ هذه المرابى بالماء في فصل الصيف، حيث يكون مستوى الماء مرتفعاً نظراً لارتفاع مستوى مياه الصرف الآتية من الري، ويتم بذرها بالبلطي والبوري والقراميط والثعبان والفرخ وغيرها حتى يكتمل نموها، فيتم الحصاد.
ويلجأ المزارعون في بحيرة المنزلة غالباً إلى تسميد الحواشات بزرق الدواجن ليعطى محصولاً قدره حوالي 1475 كجم /هكتار، وكذلك استخدام الإضافات الغذائية التي مكنت من الحصول على 3.4 طن / هكتار، وتبلغ مساحة الحواشات في مصر حوالي 48845 هكتار، ومن المأمول الوصول بها إلى 180400 هكتار.

الحواشة (مزرعة) مساحة من الارض تقدر بعشرة فدان

ومن علامات الشقاء في الجزيرة (حواشة آخر بيت وزوجة مكاجرة وحمار مكادي).

وفي عالم الحمير السودانية يشتهر (الحمار (المكادي) بأنه حرون. 

الحمار المكادي عنيد وحرّان ومتعب.

لذلك كفاءته أقلّ في العمل وسعره أقل في السَوق.

ويمكن زيارة سوق ليبيا لمعرفة سعر الحمار المكادي.

في مقابل (الحمار المكادي) يوجد (الحمار البلدي) ويسمُّونه حمار حُرّ.

ومن ذلك يُسمِّى السودانيّون الثوم (بصل مكادة) والأحباش يسمّون الثوم (مكادة بصل)،

وهناك أيضاً في السّودان في فصل الأمطار (برق المكادة) أى البرق الذي يأتي من جهة الحبشة هو برق خلِّب لا خير فيه أي لا مطر فيه خير.

قال المحلّق (سِنّاً بلا مسواك برق المكادة) أى ذات أسنان بيضاء.

حمار مكادي تعني أن موطنه الحبشة، أى حمار حبشي.

المكادة هم الأحباش.

ويقول السودانيون عند قيادة الحمار لحثه على المشى (عرد).

كلمة عرد تعني حِمار، وذلك في لغة حِمَير، وهي لغة عربيَّة قديمة منقرضة في جنوب اليمن في مملكة حِميَر.

الحمار في أمريكا رمز الحزب الديمقراطيّ.

هل يتجرأ حزب سوداني من الأحزاب الـ (83) المسجّلة أن يجعل رمزه الحمار؟

 http://alintibaha.net/portal/

الزوجة المكاجرة

ري شارلس وأبو العتاهية

الزوجة المكاجرة تطرد من البيت بعلها الفقير مكسور الجناح.

هذه قصة إحدى أشهر أغاني الجاز الأمريكية.

الأغنية خفيفة الظل (عبارة عن (شكلة) من جانب واحد بين زوجة وزوجها المفلس.

لنبدأ الآن القصة من البداية.
إشتهرت من أغاني الجاز الأمريكية أغنية (Hit the Rood Jack) التي يغنيها الفنان الأسطورة ري شارلسRay Charles.

الأغنية ذائعة الصيت عبارة عن حوار بين زوجة مكاجرة تطرد زوجها من البيت بسبب قلّة ماله.

الزوجة لم تكن (مستورة حال) تقنع بالقليل.

بل كانت سليطة ليس بينها وبين زوجها الفقير (جاك) أي مودة أو رحمة.

نقدِّم فيما يلى (سودنة) للأغنية وترجمة باللغة الدارجية السودانية لكلماتها.

تبدأ الأغنية بالزوجة (مكشوفة الحال)

وهي تقول لبعلها(أطلع من البيت ده... الدرب ياهو ده قدامك... أركب الظلط ... أوعك تجى تاني... أوعك... أوعك... أوعك... أوعك)

فيقول الزوج المسكين (بتقولي شنو)

فتجيبه الزوجة المكاجرة (أطلع بره... الشارع قدامك... يلا إتخارج... أمشي في ستين داهية... ما تجى تاني... أوعك... أوعك ... أوعك ... أوعك)..

فيقول الزوج رقيق الحال(آه منك يا مَرَة... يابنت الناس ما تعامليني بطريقة لئيمة زي ده.. إنتي ألأم عجوز أشوفها في الدنيا... أفتكر... إذا إنتِ بتقولى كده حقّو أستِّف حاجاتى وأمشي... ده الكلام الصاح)

فتهيج الزوجة بقولها (طوالي الشارع قدامك... الباب يمرق جمل.. أوعك تجي تاني... أوعك.. أوعك... أوعك... أوعك يا جاك... أمرق خلاص... ما تجي تاني)

فيقول الزوج الكسير(قلتي شنو؟)

فتجيبه منتفخة الأوداج (أطلع بره... الشارع ياهوده... ما تجي البيت ده تاني.. أوعك ... أوعك... أوعك... خلاص ياجاك قلت ليك فرتق... طير محل ما تطير... إنت مالازمنا خالص).

فيقول الزوج (كويس... أسمعيني يا بِنَيّة... أعملي معروف... أنا في عرضك... ما تعامليني كده لأنّو في يوم من الأيام ظروفي حتتحسَّن)

فتهيج الزوجة وتتطاير عيونها بالشرر (ما خصَّاني كان ظروفك اتحسَّنت ولاّ ما اتحسَّنت... الكلام ده مفهوم... إذا ما جبت قروش إنت ما فيك فايدة)

فيقول الزوج الذي كسر الفقر جناحيه (طيب... أنا حا أستِّف حاجاتي وأمشي... ده الكلام الصاح)

فتقول الزوجة وهي تغلي (يا جاك قلت ليك ألف مرة الشارع قدامك يلاَّ فوت أمرق قاعد تسوِّى شنو يلا طير ما دايره أشوفك تاني... أوعك تجى تاني... أوعك ... أوعك.. أوعك... أوعك...)

فيسألها الزوج وهو غير مصدِّق (قلتي شنو؟)

فتقول الزوجة وهي ترغي وتزبد(القلتو إنت عارفو براك وسمعتو ألف مرة أطلع ياجاك من البيت ده.. ياهو ده الشارع... أوعك تجى تاني.. أوعك... أوعك .. أوعك.. يا جاك كفاية مرض... يلا أمرق ... فوت... المقعِّدك شنو... ياهو ده الدرب قدامك... أطلع أمشي... وما تجى تاني... أوعك... أوعك... أوعك... .

فيجيب الزوج المغلوب على أمره (كويس)

فتنهره الزوجة (يلاَّ أوعك تجي تاني)

فيقول الزوج (آه قلتي شنو)

فتقول(فوت يلاَّ أوعك تجي تاني)

فيقول(أنا ما فاهم الموضوع شنو)

فتقول( أمش ما تجي تاني)

فيقول(خلينا نتفاهم حول الموضوع ده)،

فتقول (ماتجي تاني ما تجي ما تجي أوعك)

فيقول(أفتكر ممكن يكون عندنا فهم أحسن لحكاية الفلس دي)

فتقول(ما تجي تاني أوعك)

فيقول(يابنت الناس الحاصل شنو ما تبقى صعبة كده)

فتقول(ما تجي تاني أوعك)

فيقول(يازولة خليك هدية ورضية ده ظلم)

فتقول (خلاص الموضوع ده انتهي... أمرق من البيت ده... هدا الشارع... ماتجي تاني أوعك)

فيقول(أنا بصراحة ما فاهمك بالضبط قصدك شنو يعني... أنا ما أفتكرك قاصدة الكلام البتقولي في هو ده ممكن توريني... إنتي عاوزة تعملي شنو، ليه بتتعاملي كده)

وبعد كل جملة يقولها الزوج المكسور المستسلم 

تؤكد الزوجة الشريرة موقفها بطرده من البيت وأصرارها على طرده وعدم عودته مرة أخرى وتحذيره أربع مرات بكلمة (أوعك تجي تاني).

الزوج المغلوب على أمره (جاك) لم يسمع ما قاله أبو العتاهية...

الناسُ أتباعُ مَن دامت له النِّعمُ ٭ والويلُ للمرءِ إن زلَّت به القدمُ...

المالُ زينٌ ومَن قلّت دراهمُهُ٭ حيٌّ كَمَن مات إلا أنه صنمُ...

ولما رأيت أحبَّائى وخالصتى٭ والكلُّ مستترٌ عنّى ومحتشمُ... 

أبدَوْا جفاءً وإعراضاً فقلت لهم ٭ أأذنبتُ ذنباً قالوا ذنبُكَ العدمُ.

ويقول عشاق الدراهم إن الدراهمَ في الأماكنَ كلها تكسو الرجال مهابةً وجلالاً.

هكذا قلَّت دراهم (جاك).

ولكن حظَّه العاثر لم يرزقه بزوجة (مستورة حال) بل منحه (شريكة حياة) كشفت حاله وطردته من البيت دون رحمة.

وقد أبدع الفنان الكفيف (رى شارلس) في تلك الدراما الإجتماعية في أغنية أصبحت إرثاً إنسانياً، أغنية من الأغاني الخالدة في تاريخ الفن.

http://www.azza2.com/vb/content.php/7164-